Cristina Canosa Prado

Son Traballadora Social graduada no 2017, especializada na resposta profesional en servizos sociais no eido da saúde mental no 2018 e en activo dende o 2019. Traballo no terceiro sector, nunha entidade de atención a persoas con diagnóstico de trastorno mental, como responsable da intervención social coas persoas participantes e as súas familias. Á súa vez son responsable de voluntariado, orientación laboral e sensibilización.

Paralelamente adico boa parte do meu tempo libre ao afondamento na música e baile tradicionais de Galicia. Paixón que me levou a compaxinar o traballo social coa ensinanza do baile tradicional. Traballo con nenos/as e adultos/as a diferentes niveis e en diferentes dispositivos comunitarios co fin de visibilizar e recuperar a nosa música de raíz como opción de ocio; superando o estigma da obsolescencia e estaticidade, mostrando que a tradición é identidade e é o agora.