Paula Castiñeira Iglesias

En 2015 entrei na Facultade de Ciencias da Comunicación da Universidade de Santiago de Compostela onde estudei Xornalismo ata o 2019.

Dende sempre o tema da comunicación audiovisual foi algo que me chamou moito a atención polo que durante os 4 anos de carreira, sempre que puiden, intentei formarme nese ámbito, sobre todo na gravación e edición de vídeo.

Na miña breve experiencia laboral puiden experimentar a esencia do xornalismo na redacción de ABC e Que Pasa na Costa pero tamén o mundo do márketing e a comunicación da man de Arela.Comunicación Sostible.

A día de hoxe sigo formándome nas novas tendencias en produción, xestión e difusión do coñecemento nun máster da USC.